"Liverpul" hujumchisi Aleksandr Isak yaqin orada jarohatidan forig‘ bo‘lib, safga qaytadi. Shvesiyalik futbolchi o‘tgan yilning dekabr oyidan beri sinish jarohati sababli maydonga tushmayotgan edi. Jurnalist Pol Joysning ma’lumotlariga ko‘ra, forvardning reabilitasiya jarayoni yakunlanish arafasida. 26 yoshli futbolchi to‘liq sog‘ayib, terma jamoalar o‘yinlaridan keyingi tanaffusdan so‘ng, ya’ni aprel oyi boshida "qizillar" tarkibiga qaytishi kutilmoqda.

Aleksandr Isak o‘tgan yilning yozida "Nyukasl"dan "Liverpul"ga o‘tgan edi. O‘yinchining transfer qiymati 145 million yevroni tashkil qilgan. 15 mart kuni Arne Slot jamoasi Premyer-liganing 30-turi doirasida o‘z maydonida "Tottenxem"ni qabul qiladi.