"Ювентус" ярим ҳимоячиси Франсишку Консейсау жароҳатидан тикланаётган жамоадоши Душан Влаховични қўллаб-қувватлади.

"Барча ўйинчилар соғлом бўлса, ҳар қандай жамоа кучлироқ бўлади. Душан жуда кучли, жамоага бошқа йўқлиги сезилаётган ўйинчилар каби у ҳам етишмаяпти. У кундан-кунга ўзини яхшироқ ҳис қилмоқда. Умид қиламизки, у тез орада майдонга қайтади", – дея Консейсаунинг сўзларини келтиради todomercadoweb нашри.

Шу ҳафтада Италия ОАВлари Влахович жароҳатидан тузалгани ҳақида ёзган эди. Бироқ, айни пайтда маҳаллий журналистлар Душан А Сериянинг 29-тури доирасида бўлиб ўтадиган бугунги "Удинезе"га қарши сафар ўйинида асосий таркибда майдонга тушмаслигини кутишмоқда. Ушбу баҳс Тошкент вақти билан соат 00:45 да бошланади.