"Барселона" қанот ҳимоячиси Алехандро Бальде ёзги трансфер ойнасида жамоани тарк этиши мумкин.
Журналист Экрем Конурнинг хабар беришича, "кўк-анорранглилар" Бальде бўйича тушадиган таклифларни кўриб чиқишга тайёр. Таъкидланишича, клуб спорт директори Деку ҳимоячининг маҳоратига тўлиқ ишонмаяпти.
Манбанинг маълумотларига кўра, Эндрю Робертсоннинг кутилаётган кетиши сабабли янги қанот ҳимоячисига эҳтиёж сезаётган "Ливерпуль" Бальдени сотиб олиш имкониятини кўриб чиқмоқда. Шунингдек, "Манчестер Юнайтед" ҳам ҳимоячини кузатиб бормоқда, бироқ айни дамда мерсисайдликлар қулайроқ позицияда туришибди.
Жорий мавсумда 22 ёшли Бальде барча турнирларда 34 та ўйинда майдонга тушди ва учта голли узатмани амалга оширди. Transfermarkt экспертлари футболчининг қийматини 60 миллион еврога баҳоламоқда.
