"Барселона" ҳужумчиси Роберт Левандовски клубга келган вақтларини ёдга олди. "Кўк-анорранглилар" полшалик футболчини 2022 йилнинг ёзида "Бавария"дан сотиб олган эди.
"Барселона"га ўтиш ҳақидаги қарор фаолиятимдаги энг қийин қарорлардан бири бўлган. "Бавария"да мен ҳамма турнирда ғолиб чиққандим, лекин ўша пайтда нимадир янгиликка эҳтиёж сездим.
Келишимдан аввал, "Барса"га қарши ўйнаганимизда жамоага нимадир етишмаётганини сезгандим. Клуб оғир даврни бошдан кечираётган эди ва ҳамма нарса аввалги йиллардагидек эмасди", – дея Левандовскининг интервьюсидан иқтибос келтиради Barca Universal нашри.
Келаётган ёзда форвард яна клубини ўзгартириши мумкин – унинг каталонияликлар билан тузган шартномаси июнь ойи охирида якунига етади.
