Ҳуқуқлари Лондоннинг «Арсенал» клубига тегишли бўлган ҳимоячи Якуб Кивёр Италия А Сериясининг топ-клубида фаолиятини давом эттириш вариантига эга. Жорий мавсумда польшалик футболчи ижара асосида «Порту» сафида тўп сурмоқда.
Tuttosport нашри берган маълумотларга кўра, Туриннинг «Ювентус» клуби ҳимоячини ўз сафига қўшиб олишдан манфаатдор. Шу билан бирга, «Порту» ҳам 25 миллион евро миқдоридаги сотиб олиш опциясини фаоллаштириш орқали футболчини ўз сафида қолдириши мумкин.
Жорий мавсумда Якуб Португалия чемпионатининг 18 та учрашувида иштирок этди. Польшалик футболчи битта голли узатмани амалга оширди ва битта сариқ карточка олди.
Кивёрнинг Португалия гранди билан ижара шартномаси жорий мавсум якунида ниҳоясига етади.
