«Вест Хэм» Англия чемпионатининг 30-тури доирасидаги ўз майдонида кечган баҳсда «Манчестер Сити» билан дуранг ўйнади — 1:1.
Мезбонлар таркибида 35-дақиқада грециялик ҳимоячи Константинос Мавропанос гол урган бўлса, меҳмонлар сафида 31-дақиқада португалиялик ярим ҳимоячи Бернарду Силва ажралиб турди.
Ҳамюртимиз Абдуқодир Ҳусанов баҳсда тўлиқ ҳаракат қилди.
«Вест Хэм» кетма-кет учта ўйиндан бери мағлубият нималигини билмай келмоқда. Жамоа Англия чемпионати жадвалида 18-ўриндан 17-поғонага кўтарилиб олди (30 ўйиндан сўнг 29 очко). «Манчестер Сити» эса (30 ўйиндан сўнг 61 очко) иккинчи ўринда бормоқда.
Англия Премьер-лигаси. 30-тур
14.03.2026 | 01:00
«Лондон Стэдиум», Лондон
«ВЕСТ ХЭМ» — «МАНЧЕСТЕР СИТИ» — 1:1
Голлар: Бернарду Силва 31 (0:1), Константинос Мавропанос 35 (1:1).
«Вест Хэм»: Хермансен, Мавропанос, Дисаси, Тодибо, Фернандеш, Соучек, Диуф, Ван-Биссака, Пабло (Магасса, 64), Боуэн (Канте, 90+6), Кастельянос (Траоре, 75).
«Манчестер Сити»: Доннарумма, Гехи, Абдуқодир Ҳусанов, Аит Нури (Шерки, 60), Матеус Нунес, Родри, Бернарду Силва (Рейндерс, 75), О`Райли, Семеньо (Фоден, 75), Мармуш (Доку, 60), Холанд.
Огоҳлантиришлар: Магасса (76), Фернандеш (89) — Мармуш (11), Бернарду Силва (37).
