Альваро Арбелоа илк бор Винисиус Жуниорни ўйин қизғин паллада захирага олди.

«Реал» вингери «Эльче»га қарши баҳснинг (4:1) 58-дақиқасида, ўша пайтгача самарали ҳаракатлари билан ажралиб турмаган бир вазиятда майдонни тарк этди. Унинг ўрнига Арда Гюлер ўйинга қўшилди.

Винисиус билан бирга Федерико Вальверде ва Орельен Тчуамени ҳам алмаштирилди. Орадан уч дақиқа ўтиб, яна бир муҳим ўйинчи — Антонио Рюдигер майдонни тарк этди. 63-дақиқада эса Браим Диас ҳам захирага олинди.

Бунга қадар бразилиялик футболчи Арбелоа бошчилигидаги барча ўйинларда 90-дақиқагача майдонда ҳаракат қилган эди. Эслатиб ўтамиз, Альваро 13 январь куни Мадрид жамоаси бошқарувини қўлга олганди.

17 март куни «Реал» Чемпионлар лигасида «Манчестер Сити»га қарши майдонга тушади.