Аргентина ва Испания терма жамоалари ўртасидаги Финалиссима баҳси бекор бўлиш арафасида турибди.
Аввалроқ ушбу учрашув «Сантьяго Бернабеу» стадионида ўтказилиши мумкинлиги ҳақида маълумотлар пайдо бўлган эди. Аслида ўйин 27 март куни Доҳада бўлиб ўтиши керак эди, бироқ Яқин Шарқдаги вазият туфайли уни бошқа жойга кўчиришга қарор қилинди. Кейинчалик Аргентина терма жамоаси Мадридда ўйнашдан бош тортгани маълум бўлди.
TyC Sports журналисти Гастон Эдулнинг хабар беришича, Аргентина футбол ассоциацияси (AFA) Финалиссимани ўтказиш бўйича сўнгги таклифини берган: ўйин 31 март куни ва нейтрал майдонда бўлиб ўтиши шарт — акс ҳолда баҳс ўтказилмайди.
ESPN журналисти Эстебан Эдулнинг ёзишича, Аргентина ўйинни 31 март куни Римдаги «Олимпико» стадионида ўтказишни таклиф қилган. Бошқа вариантлар қолмаган.
El Chiringuito эса яқин соатлар ичида Финалиссима бекор қилингани ҳақида расмий эълон берилишини маълум қилди.
Аргентиналик журналист Эрнан Кастильо берган маълумотга кўра, ўйинни «Бернабеу»да ўтказишга бўлган ҳаракатлар — бу УЕФА томонидан ташкилот президенти Александер Чеферин ва «Реал» раҳбари Флорентино Перес ўртасидаги келишмовчиликларни ҳал қилиш учун қилинган ўзига хос ишора эди.
