Испания Ла Лигасининг 28-тури доирасида Мадриднинг «Реал» клуби ўз майдонида «Эльче»ни 4:1 ҳисобида мағлубиятга учратди. «Қироллик клуби» устози Альваро Арбелоа ушбу учрашувдан сўнг ижтимоий тармоқларда пост қолдирди.

«Қандай ажойиб кеча! Йигитлар билан фахрланаман, ўйиндан мамнунман», — дейилади бош мураббийнинг ижтимоий тармоқлардаги хабарида.

«Қаймоқранглилар» 66 очко жамғариб, Ла Лига турнир жадвалида иккинчи ўринда бормоқда. Арбелоа шогирдлари пешқадам «Барселона»дан бир очкога ортда қолмоқда, бироқ «кўк-анорранглилар» ихтиёрида яна битта захира ўйини мавжуд.

Ла Лигадаги навбатдаги баҳсни «Реал» ўз уйида «Атлетико»га қарши ўтказади.