Англия Премьер-лигаси ўттизинчи турида "Эвертон" Лондоннинг "Арсенал" жамоасига сафарда мағлуб бўлди.
Маълум бўлишича, "Эвертон" уч ой ичида биринчи марта сафарда мағлуб бўлди. Бундай ҳолат охирги марта ўтган йили, 13 декабрда содир бўлган эди. Ўшанда ҳам улар Лондонда "Челси"га қарши 0:2 ҳисобида имкониятни бой беришган эди.
Ўшандан бери "ирисчилар" сафарда бешта мағлубиятсиз ўйин ўтказди.
Шунга қарамай, Дэвид Мойес жамоаси Англия Премьер-лигаси турнир жадвалида ҳали ҳам анча юқори ўринларда бормоқда.













