«Ливерпуль» бош мураббийи Арне Слот ўз майдонида «Тоттенхэм» билан қайд этилган дурангдан (1:1) сўнг ўз фикрларини билдирди.

«Афсуски, биз биттадан кўпроқ гол уришни уддалай олмадик. Назаримда, ўйиннинг энг тенг кечган қисми унинг якуни бўлди — ўшанда ҳар икки жамоада вазиятлар юзага келди. Рақибнинг аксарият хавфли вазиятлари улар гол урган вазиятга ўхшаш ҳолатлардан келиб чиқди.

Албатта, бу икки очкони бой бериш дегани. Ўз майдонимизда шунча вақт ҳисобда олдинда бориб, якунда бундай натижа қайд этилиши — шубҳасиз, йўқотилган икки очкодир», — деди Слот Match of the Day кўрсатувида.

Қўшимча қилиш жоизки, «Ливерпуль» айни дамда Англия чемпионати турнир жадвалида бешинчи поғонани эгаллаб турибди.