«Барселона» спорт директори Деку Хави Эрнандес ва Жоан Лапорта ўртасидаги адоват борасида ўз фикрини билдирди.
«Кўк-анорранглилар»нинг собиқ устози Каталония клуби президенти сайлови олдидан Лапортага қарши чиққан эди. Маълумки, Хави раҳбарлик лавозимига номзод бўлган яна бир шахс — Виктор Фонтни қўллаб-қувватлаган.
«Хави — менинг қадрли дўстим, биз биргаликда жиддий муваффақиятларга эришганмиз. Мен унга катта ҳурмат билан қарайман. У «Барселона»нинг бир қисми бўлиб қолади ва ўз шахсий фикрига эга бўлишга тўла ҳақли», — дея BarcaTimes Декунинг сўзларидан иқтибос келтирмоқда.
Жоан Лапорта 2031 йилга қадар «Барселона» президенти бўлиб қолади — у якшанба куни бўлиб ўтган сайловларда ғалаба қозонди.
