«Барселона» бош мураббийи Ханс-Дитер Флик Хосеп Гвардиоланинг рекордини такрорлашга бир қадам қолди.

Якшанба куни «кўк-анорранглилар» «Севилья»ни тор-мор этишди (5:2) — бу Ла Лига доирасида ўз майдонида қўлга киритилган кетма-кет 14-ғалаба бўлди. Squawka'нинг хабар беришича, бу Каталония грандининг 21 асрдаги ўз уйида қайд этган иккинчи энг узоқ давом этган ғалабали сериясидир. Клубнинг замонавий рекорди 2010/11 йилги мавсумда Хосеп Гвардиола даврида ўрнатилган бўлиб, ўшанда кетма-кет 15 та ғалаба қайд этилган эди.

22 март куни «Барселона» ўз майдонида «Райо Вальекано»ни қабул қилади. Бунгача эса (18 март) Флик шогирдлари Чемпионлар лигаси доирасида уйда «Ньюкасл»га қарши баҳс олиб боришади.