Ҳозирда ижара асосида «Рейнджерс» шарафини ҳимоя қилаётган «Борнмут» қанот ҳимоячиси Макс Ааронс ёзги трансфер ойнасида клубини ўзгартириши мумкин.

Журналист Экрем Конурнинг хабар беришича, 26 ёшли футболчининг хизматларига «Фейеноорд» ва «Вулверхэмптон» клублари қизиқиш билдирмоқда. Ушбу жамоалар яқин вақт ичида «Борнмут» билан музокаралар ўтказишни режалаштирган. Шунингдек, «Порту» ҳам Ааронсга нисбатан катта қизиқиш кўрсатмоқда.

Жорий мавсумда ҳимоячи «Рейнджерс» сафида 31 та ўйинда майдонга тушди ва битта гол муаллифига айланди.

Нуфузли Transfermarkt интернет-портали маълумотларига кўра, футболчининг бозор қиймати тўрт миллион еврони ташкил қилади.