Бельгиянинг «Брюгге» клуби ҳужумчиси Николо Тресольди Лондоннинг «Арсенал» клуби қизиқишлари доирасига тушди.

21 ёшли футболчи Бельгия чемпионатининг жорий мавсумида 29 та ўйинда 12 та гол урган ҳолда тўпурарлар пойгасида пешқадамлик қилмоқда. Инглиз ОАВларининг маълумотига кўра, «канонирлар» асли италиялик бўлган ушбу немис форвардининг муваффақиятларини диққат билан кузатиб боришмоқда. Маълумки, Англия гранди мавсумлар оралиғида ҳужум чизиғини кучайтиришни режалаштирмоқда ва «Брюгге» юлдузи потенциал номзодлардан бири сифатида кўрилмоқда.

Transfermarkt порталининг баҳосига кўра, Николо Тресольдининг бозор қиймати 13 миллион еврони ташкил этади. Умумий ҳисобда футболчи жорий мавсумдаги барча мусобақаларда 47 та баҳсда майдонга тушиб, 16 та гол ва бешта голли узатмани ўз ҳисобига ёздириб қўйган.