«Ливерпуль» ярим ҳимоячиси Доминик Собослаи «Тоттенхэм» билан ўйиндаги очко йўқотилишига мухлисларнинг кўрсатган реакцияси ҳақида гапирди.
Англия Премьер-лигасининг 30-турида мерсисайдликлар 90-дақиқада гол ўтказиб юборишди ва ўз майдонларида «шпорлар» билан дуранг ўйнашди (1:1).
«Мен мухлисларнинг ҳуштагини эшитмадим, лекин буни тушунишимиз мумкин. Биз ўзимиз ўйнашимиз керак бўлган даражада ўйнамаяпмиз. Аммо... бу қийин дамларда бизни қўллаб-қувватланг. Биз жипслашишимиз ва клуб учун курашишимиз керак», — дея журналист Фабрицио Романо Собослаининг сўзларини келтирмоқда.
