2025/2026 йилги мавсумда Чемпионлар лигаси финали Венгриянинг Будапешт шаҳрида бўлиб ўтади. Финалнинг ҳар бир иштирокчиси ўз мухлислари учун 17 200 тадан чипта олади. Ушбу чипталар нархи 70 евро (тахминан 960 000 сўм) этиб белгиланган.
Мухлислар квотасига кирмайдиган қолган чипталар эса анча қимматроқ бўлади. Улар учун учта тоифадаги нархлар белгиланган: 180 евро (2 470 000 сўм), 650 евро (8 900 000 сўм) ва 950 евро (13 000 000 сўм).
Чемпионлар лигасининг финал учрашуви 30 май куни бўлиб ўтади.
Эслатиб ўтамиз, ўтган мавсумда Чемпионлар лигаси финалида "ПСЖ" жамоаси "Интер"ни 5:0 ҳисобида мағлуб этган эди. Ўшанда парижликлар ўз тарихида илк бор Европа чемпионлари кубогини қўлга киритганди.
