Январь ойида Альваро Арбелоа мавсум якунига қадар вақтинчалик асосда "Реал" бошқарувини қўлга олган эди. Арбелоада ушбу лавозимни сақлаб қолиш имкониятлари бор, бироқ ҳаммаси натижаларга боғлиқ.

The Athletic журналисти Марио Кортегананинг хабар беришича, "Реал"нинг сўнгги учта ўйиндаги иштироки Арбелоанинг мураббийлик лавозимидаги позициясини сезиларли даражада мустаҳкамлаган. "Қаймоқранглилар" ушбу уч баҳсда "Сельта" (2:1), "Манчестер Сити" (3:0) ва "Эльче" (4:1) жамоаларини мағлуб этишди.

"Реал" навбатдаги ўйинини 17 март, сешанба куни Чемпионлар лигаси доирасида сафарда "Манчестер Сити"га қарши ўтказади. Ўз майдонидаги 3:0 ҳисобидаги ғалабадан сўнг, Арбелоа жамоаси кейинги босқичга чиқиш учун яхши имкониятга эга.