"ПСЖ" ҳужумчиси Усмон Дембеле ўз келажаги борасидаги саволларга жавоб берди. Аввалроқ матбуотда франциялик футболчи "Манчестер Сити"га ўтиши мумкинлиги ҳақида миш-мишлар тарқалган эди.
"ПСЖ"да қолмаслик учун ҳеч қандай сабаб йўқ. Бироқ қарорларни фақат мен қабул қилмайман — ҳаммаси клуб ва агентимга боғлиқ", — дея Дембеленинг сўзларини келтирмоқда The Touchline.
Усмон Дембеленинг "ПСЖ" билан амалдаги шартномаси 2028 йилнинг ўрталаригача мўлжалланган. Француз юлдузи 2023 йил ёзида "Барселона"дан трансфер қилинганидан бери Париж гранди шарафини ҳимоя қилиб келмоқда. Ўшандан бери Дембеле жамоа сафида 122 та ўйин ўтказиб, 53 та гол урди ва шерикларига 38 та голли узатма етказиб берди.
Эслатиб ўтамиз, ўтган йили Дембеле фаолиятидаги илк "Олтин тўп" совринини қўлга киритган эди.
