«Манчестер Сити» Европанинг энг яхши клубларидан бири ҳисобланади, шунинг учун ҳам уларга қарши баҳслар доимо ёрқин руҳда ўтади.
Мадриднинг «Реал» клуби ҳимоячиси Антонио Рюдигер шундай фикр билдириб, жавоб учрашувини интиқлик билан кутаётганини тан олди.
«Биз «Манчестер Сити»га қарши кўп бора майдонга тушганмиз. Бу Европадаги энг кучли жамоалардан бири, улар билан ўйнаш — ҳақиқий завқ», — дея футболчининг сўзларидан иқтибос келтирмоқда UEFA матбуот хизмати.
Шунингдек, у «Реал» билан яна бир бор Чемпионлар Лигасида зафар қучишни орзу қилишини, чунки ушбу турнирдаги ғалаба таассуротларини сўз билан таърифлаб бўлмаслигини таъкидлади.
