«Manchester Siti» Yevropaning eng yaxshi klublaridan biri hisoblanadi, shuning uchun ham ularga qarshi bahslar doimo yorqin ruhda o‘tadi.

Madridning «Real» klubi himoyachisi Antonio Ryudiger shunday fikr bildirib, javob uchrashuvini intiqlik bilan kutayotganini tan oldi.

«Biz «Manchester Siti»ga qarshi ko‘p bora maydonga tushganmiz. Bu Yevropadagi eng kuchli jamoalardan biri, ular bilan o‘ynash — haqiqiy zavq», — deya futbolchining so‘zlaridan iqtibos keltirmoqda UEFA matbuot xizmati.

Shuningdek, u «Real» bilan yana bir bor Chempionlar Ligasida zafar quchishni orzu qilishini, chunki ushbu turnirdagi g‘alaba taassurotlarini so‘z bilan ta’riflab bo‘lmasligini ta’kidladi.