«Комо»нинг грециялик ҳужумчиси Анастасиос Дувикас А Сериянинг 29-туридан ўрин олган «Рома»га қарши баҳсда гол уриб, жамоасининг ғалабасини таъминлади.
Бу гол грециялик футболчи учун мавсумдаги ўниничиси бўлди ва у «Комо» тарихида А Сериянинг бир мавсумида ўнта ёки ундан кўп гол урган илк хорижлик футболчига айланди. Умуман олганда, «Комо» таркибида охирги марта бундай натижани 1986 йилда италиялик Стефано Боргоново қайд этган эди.
Эслатиб ўтамиз, ҳозирда клуб Италия А Серияси турнир жадвалида тўртинчи ўринни эгаллаб турибди. Кейинги турда «Комо» чемпионат аутсайдери — «Пиза» жамоасига қарши майдонга тушади.
