Мадриднинг «Реал» клуби бош мураббийи Альваро Арбелоа ярим ҳимоячи Федерико Вальверденинг сўнгги ўйинлардаги ажойиб формаси ҳақида ўз фикрларини билдирди. Уругвайлик футболчи охирги учта учрашувда бешта гол уришга муваффақ бўлди, жумладан, «Манчестер Сити» билан баҳсда ҳет-трик қайд этди.
«Вальверде исталган позицияда ўйнаши мумкин ва буни ҳамма ерда жуда яхши уддалайди. Ҳозир у ўзининг энг яхши спорт формасида ва голлар урмоқда. Унда ҳаракат қилиш эркинлиги бор. Беллингем ва Мбаппе сафга қайтганида ҳам Феденинг айнан мана шу талқинидан фойдаланишда давом этишимиз керак», — деди Арбелоа матбуот анжуманида.
«Реал» айни дамда Чемпионлар Лигаси доирасида «Манчестер Сити»га қарши ўйинга тайёргарлик кўрмоқда. Жамоалар бугун, сешанба, 17 март куни ўзаро тўқнаш келишади.
