Madridning «Real» klubi bosh murabbiyi Alvaro Arbeloa yarim himoyachi Federiko Valverdening so‘nggi o‘yinlardagi ajoyib formasi haqida o‘z fikrlarini bildirdi. Urugvaylik futbolchi oxirgi uchta uchrashuvda beshta gol urishga muvaffaq bo‘ldi, jumladan, «Manchester Siti» bilan bahsda het-trik qayd etdi.
«Valverde istalgan pozisiyada o‘ynashi mumkin va buni hamma yerda juda yaxshi uddalaydi. Hozir u o‘zining eng yaxshi sport formasida va gollar urmoqda. Unda harakat qilish erkinligi bor. Bellingem va Mbappe safga qaytganida ham Fedening aynan mana shu talqinidan foydalanishda davom etishimiz kerak», — dedi Arbeloa matbuot anjumanida.
«Real» ayni damda Chempionlar Ligasi doirasida «Manchester Siti»ga qarshi o‘yinga tayyorgarlik ko‘rmoqda. Jamoalar bugun, seshanba, 17 mart kuni o‘zaro to‘qnash kelishadi.













