«Реал» ҳужумчиси Гонсало Гарсия қарийб бир ойдан бери тиззасидаги ноқулайлик (оғриқ) билан ўйнамоқда.
21 ёшли испаниялик футболчи консерватив даволанишдан сўнг ўзини яхшироқ ҳис қила бошлади, бироқ микрожароҳат ҳали ҳам унга майдонда айрим ҳаракатларни тўлиқ бажаришга халақит бермоқда.
Охирги бир ой ичида Гарсия 5 та ўйинда иштирок этди, аммо самарали ҳаракатларни амалга ошира олмади. Ушбу давр мобайнида у «Реал»нинг асосий таркибида фақат икки марта майдонга тушди.
Умумий ҳисобда, ҳужумчи Ла Лиганинг жорий мавсумида 23 та ўйинда иштирок этиб, 4 та гол уришга муваффақ бўлган.
