"Барселона" бош мураббийи Ханс-Дитер Флик матбуот анжуманида ўзининг келажаги ҳақидаги саволларга жавоб берди. Немис мутахассиси ҳозир шартномани узайтиришни муҳокама қилиш мавриди эмаслигини ва бу масалани оиласи билан гаплашиб олиши кераклигини айтди. Бироқ кейинроқ Фликка яна бир савол берилди:
— Буни оилам билан муҳокама қилишим керак, дедингиз. Демак, шартнома узайтирилишига ишончингиз комил эмасми?
— Албатта, менга бу ерда ишлаш жуда ёқади. Энг муҳими — мен "Барселона"нинг қўллаб-қувватлашини ҳис қиляпман, бу ерда биз худди катта оилага ўхшаймиз. Лекин бу футбол. Мен жамоага максимал натижаларга эришишда ёрдам беришни истайман. Бошқа клубга ўтиш ҳақида ўйламаяпман. Бу менинг фаолиятимдаги сўнгги клуб, охирги ишим бўлади ва мен бундан бахтлиман.
Ханс-Дитер Фликнинг "Барселона" билан амалдаги шартномаси 2026/2027 йилги мавсум якунига қадар мўлжалланган.
