Ҳужумчи Хулиан Альварес ёзги трансфер ойнасида "Атлетико"ни тарк этиши мумкин.
Журналист Грэм Бэйли берган маълумотларга кўра, аргентиналик футболчига кўплаб Европа топ-клублари қизиқиш билдирмоқда, футболчининг ўзи ҳам жамоасини ўзгартиришга қарши эмас. "Матрасчилар" эса аллақачон Альваресга ўринбосар танлаб бўлишган. Мадрид клуби "Марсель" ҳужумчиси Мэйсон Гринвудни сотиб олишни кўзламоқда.
Мэйсон Гринвуд 2024 йилда "Манчестер Юнайтед"дан "Марсель"га 26 миллион евро эвазига ўтган эди. Унинг амалдаги шартномаси 2029 йилнинг 30 июнига қадар мўлжалланган. Жорий мавсумда 24 ёшли ҳужумчи "провансалликлар" сафида барча турнирларда 38 та ўйин ўтказиб, 25 та гол урди ва 8 та голли узатмани амалга оширди.
