"Манчестер Юнайтед" ёзги трансфер ойнасида таркибни жиддий тарзда кучайтиришни режалаштирмоқда. Клуб раҳбарияти келаси мавсум учун тўртта янги футболчи сотиб олишни мақсад қилган.
The Sun нашрининг хабарига кўра, "қизил иблислар" жорий мавсум якунланганидан сўнг бир йўла тўртта позицияни мустаҳкамлаш ниятида. "МЮ" иккита марказий ярим ҳимоячи, чап қанотга яқинроқ ўйнай оладиган марказий ҳимоячи ва захира дарвозабонини сотиб олмоқчи. Шу билан бирга, ёзда жамоани тарк этадиган Каземиронинг ўрнини тўлдириш "Манчестер Юнайтед" учун энг устувор вазифа экани кундай равшан.
Айни дамда "Манчестер Юнайтед" Англия Премьер-лигаси турнир жадвалида 30 турдан сўнг 53 очко жамғарган ҳолда учинчи ўринни эгаллаб турибди. Охирги учрашувда "қизил иблислар" "Астон Вилла"ни 3:1 ҳисобида мағлуб этишди.
