"Арсенал" ҳимоячиси Рикардо Калафьори фаолиятини яна А Серияда давом эттириши мумкин. Италиялик футболчига ўз ватанидан жиддий қизиқишлар пайдо бўлди.
TEAMtalk нашрининг маълумотларига кўра, "Интер" ва Италиянинг бир қатор бошқа жамоалари Рикардо Калафьорини ўз сафларига қўшиб олишга қизиқиш билдирмоқда. Калафьори "Арсенал"дан кетиш вариантини кўриб чиқиши мумкин, чунки у чап қанотда эмас, балки кўпроқ марказий ҳимоячи позициясида ўйнашни истайди.
Рикардо Калафьори 2024 йилда "Болонья"дан "Арсенал"га 43 миллион евро эвазига ўтган эди. Унинг "канонирлар" билан шартномаси 2029 йилнинг 30 июнига қадар мўлжалланган. Жорий мавсумда италиялик футболчи Лондон клуби сафида барча турнирларда 28 та ўйин ўтказиб, битта гол урди ва учта голли узатмани амалга оширди. Transfermarkt портали Калафьорининг қийматини 50 миллион еврога баҳоламоқда.
