Эрлинг Холанд қаторасига тўртинчи мавсум «Манчестер Сити» сафида 30 та гол урди.
Норвегиялик ҳужумчи Чемпионлар лигаси 1/8 финалининг жавоб учрашувида (1:2) клуб учун жорий мавсумдаги 30-голини киритди. Холанд барча турнирларни ҳисобга олсак, «Ман Сити» сафида 42 та ўйин ўтказди.
Холанд «шаҳарликлар» таркибидаги тўрттала мавсумининг ҳар бирида ушбу кўрсаткичдан ўтишга муваффақ бўлди — бундан аввал Холанд 2024/25 йилги мавсумда 34 та гол, 2023/24 йилги мавсумда 38 та гол ва 2022/23 йилги мавсумда 52 та гол муаллифига айланган эди.
