«Брюгге» ҳужумчиси Николо Тресольди шу ёзда клубини ўзгартириши мумкин. 21 ёшли футболчига «Атлетико» Мадрид даъвогарлик қилмоқда, деб ёзади fichajes.net нашри.
Миш-мишларга ишонилса, футболчига нафақат мадридликлар, балки «Арсенал» ва «Барселона» клублари ҳам қизиқиш билдирмоқда.
«Атлетико» раҳбарияти келаётган ёзги трансфер ойнасида ҳужум чизиғини албатта кучайтириш керак деб ҳисоблайди, шу сабабли бозордаги турли вариантларни кўриб чиқмоқда. Таъкидланишича, Тресольдининг ўйин услуби «Атлетико» боссларини (раҳбарларини) тўлиқ қаноатлантиради.
Transfermarkt портали Тресольдини 13 миллион еврога баҳоламоқда.
