«Челси» ярим ҳимоячиси Энцо Фернандес ёзги трансфер ойнасида жамоасини ўзгартириши мумкинлигига шама қилди. Аргентиналик футболчи ўз келажаги ҳақидаги саволга аниқ жавоб бермади.
«Менинг келажагим? Билмайман. Олдинда бизни Премьер-лиганинг саккизта ўйини ва Англия Кубоги кутмоқда. Кейин Жаҳон чемпионати, ундан уёғини эса кўрамиз», — дея Фернандеснинг сўзларини келтиради The Touchline.
Аввалроқ матбуотда Энцо Фернандес «Челси»да ривожланиш йўқлигидан норози эканлиги ва совринлар учун курашиш имконияти бўлган бошқа клубга ўтиш вариантини кўриб чиқаётгани ҳақида миш-мишлар пайдо бўлган эди.
25 ёшли Энцо Фернандеснинг қиймати Transfermarkt портали томонидан 90 миллион еврога баҳоланмоқда.
