«Chelsi» yarim himoyachisi Enso Fernandes yozgi transfer oynasida jamoasini o‘zgartirishi mumkinligiga shama qildi. Argentinalik futbolchi o‘z kelajagi haqidagi savolga aniq javob bermadi.
«Mening kelajagim? Bilmayman. Oldinda bizni Premyer-liganing sakkizta o‘yini va Angliya Kubogi kutmoqda. Keyin Jahon chempionati, undan uyog‘ini esa ko‘ramiz», — deya Fernandesning so‘zlarini keltiradi The Touchline.
Avvalroq matbuotda Enso Fernandes «Chelsi»da rivojlanish yo‘qligidan norozi ekanligi va sovrinlar uchun kurashish imkoniyati bo‘lgan boshqa klubga o‘tish variantini ko‘rib chiqayotgani haqida mish-mishlar paydo bo‘lgan edi.
25 yoshli Enso Fernandesning qiymati Transfermarkt portali tomonidan 90 million yevroga baholanmoqda.
