"Галатасарой" ва "Ливерпуль" ўртасидаги Чемпионлар лигасининг ўтган баҳсида энг яхши ўйинчи деб топилган Марио Лемина мусобақанинг 1/8 финал жавоб учрашуви арафасидаги матбуот анжуманида иштирок этди. Дастлабки ўйинда Туркия клуби 1:0 ҳисобида ғалаба қозонган эди.
"Биз худди аввалги учрашувимиздаги каби [сентябрь ойида умумий босқич доирасида] ғалаба учун курашишни истаган эдик. Буни уддаладик ҳам, лекин олдинда ҳали "Энфилд"даги ўйин бор. У ерда ҳам ғалаба қозонишни ва чорак финалга чиқишни истаймиз", — дея футболчининг сўзларини келтиради УЕФА расмий сайти.
