"Барселона" УЕФА Чемпионлар лигаси доирасидаги ўйин учун Испанияга етиб келган Англиянинг "Ньюкасл" клуби мухлислари сони жуда кўплигидан хавотир билдирди. Барселонага 10 000 дан ортиқ фанат келиши кутилмоқда, бироқ уларнинг фақат 3 000 нафарида ўйин учун чипта бор, деб хабар бермоқда sport.es.
"Қарғалар" (Ньюкасл лақаби) мухлисларининг катта қисми стадион ичига кириш имкониятисиз ташқарида қолиб кетиши мумкин, бу эса хавфсизлик бўйича хавотирларни келтириб чиқарди. Шу муносабат билан "Барселона" чипталар назоратини кучайтирди ва чиптаси бўлмаган "Ньюкасл" ишқибозларини стадиондан узоқроқ туришга чақирди, чунки чипталарни жойида сотиб олишнинг иложи йўқ.
Чемпионлар лигаси 1/8 финали доирасидаги "Барселона" ва "Ньюкасл" ўртасидаги жавоб учрашувининг илк ҳуштаги 18 март куни Тошкент вақти билан соат 22:45 да чалинади. Биринчи ўйинда 1:1 ҳисобидаги дуранг қайд этилган эди.
