Сенегал футбол федерацияси Африка футбол конфедерациясининг Марокаш терма жамоасини «Африка Кубоги—2026» ғолиби деб эълон қилиш ҳақидаги қарори юзасидан Спорт арбитраж судига (CAS) апелляция бериш имкониятини кўриб чиқмоқда. Ушбу қарор устидан 10 кун ичида CAS’га шикоят қилиш мумкин.
Африка футбол конфедерацияси Марокашнинг апелляциясини қаноатлантирди ва Сенегал терма жамоасига финалда «0:3» ҳисобидаги техник мағлубият ёзди. Бунга 98-дақиқада Браим Диасга нисбатан ишлатилган қўполлик учун белгиланган пенальтидан сўнг, сенегалликларнинг майдонни тарк этгани сабаб бўлган.
Ўйин фақат 13 дақиқадан сўнг қайта тикланди — Браим пенальтидан унумли фойдалана олмади — ва баҳс сенегалликларнинг ғалабаси («1:0») билан якунланган эди.
