«Барселона»нинг бразилиялик ҳужумчиси Рафинья Диас Неймарнинг терма жамоа билан бирга бўлажак ЖЧ-2026 га боришини хоҳлайсизми, деган саволга жавоб берди.
«Ҳа, мен бунга умид қиламан. У ажойиб йигит. Унинг қобилиятига, ўйин тақдирини, ҳатто Жаҳон чемпионати тақдирини ҳал қила олишига ҳеч ким шубҳа қилмайди. Неймарнинг ҳам майдондаги, ҳам майдон ташқарисидаги мухлиси сифатида, уни яна миллий терма жамоа либосида кўришдан умидворман», — деди Рафинья.
34 ёшли Неймар Бразилия терма жамоаси сафида 128 та ўйин ўтказиб, 79 та гол ва 59 та голли узатмани амалга оширган. Айни дамда вингер Бразилиянинг «Сантос» клуби шарафини ҳимоя қилмоқда.
