«ПСЖ» вингери Брэдли Барколя Чемпионлар лигаси 1/8 финали доирасида «Челси»га қарши кечган жавоб учрашувида (3:0) жароҳат олди.
Франциялик футболчи мазкур баҳснинг 59-дақиқасида захирага олинган эди.
Бугун Париж клуби Барколянинг ўнг тўпиқ бойламлари жиддий чўзилганини маълум қилди ва у «яқин бир неча ҳафта давомида» майдонга туша олмаслигини билдирди.
L’Equipe нашрининг ёзишича, футболчи тахминан бир ойга сафдан чиққан. Катта эҳтимол билан у Чемпионлар лигасининг 1/4 финали доирасидаги ҳар иккала ўйинни ўтказиб юборади.
