«PSJ» vingeri Bredli Barkolya Chempionlar ligasi 1/8 finali doirasida «Chelsi»ga qarshi kechgan javob uchrashuvida (3:0) jarohat oldi.
Fransiyalik futbolchi mazkur bahsning 59-daqiqasida zaxiraga olingan edi.
Bugun Parij klubi Barkolyaning o‘ng to‘piq boylamlari jiddiy cho‘zilganini ma’lum qildi va u «yaqin bir necha hafta davomida» maydonga tusha olmasligini bildirdi.
L’Equipe nashrining yozishicha, futbolchi taxminan bir oyga safdan chiqqan. Katta ehtimol bilan u Chempionlar ligasining 1/4 finali doirasidagi har ikkala o‘yinni o‘tkazib yuboradi.













