Каталониянинг «Барселона» клубида ижара асосида тўп сураётган англиялик ҳужумчи Маркус Рэшфорд «кўк-анорранглилар» сафида узоқроқ қолиши мумкин. Бу ҳақда Talksport журналистлари хабар бермоқда.
Манбага кўра, Каталония гранди раҳбарияти ҳужумчини яна бир мавсумга ижарага олишни режалаштирмоқда. Футболчининг тўлиқ трансфер ҳуқуқи эса «Манчестер Юнайтед»га тегишли.
Рэшфорд ва «Барселона» ўртасидаги амалдаги ижара шартномаси шу йилнинг ёзида ниҳоясига етади.
Испания чемпионатининг жорий мавсумида Маркус 23 та учрашувда иштирок этди. Ҳужумчи ўз ҳисобига тўртта гол ва олтита голли узатмани ёздириб қўйишга муваффақ бўлди.
