«Галатасарой»ни 4:0 ҳисобида мағлуб этган «Ливерпуль» Чемпионлар лигасининг чорак финалига йўл олди. Умуман олганда эса, мерсисайдликлар ушбу мавсумда барқарор ўйин намойиш эта олмаяптилар.
The Touchline нашрининг хабар беришича, жамоанинг беқарор формасига қарамай, «Ливерпуль» раҳбарияти ҳамон Арне Слотга имконият бериш ниятида — ҳеч бўлмаганда жорий мавсум якунига қадар.
Шу билан бирга, вазият кейинги сафар апрель ойида — Чемпионлар лигаси чорак финали доирасидаги «ПСЖ»га қарши баҳслардан сўнг қайта кўриб чиқилиши таъкидланмоқда.
«Ливерпуль» навбатдаги учрашувини шанба куни, 21 март санасида Англия Премьер-лигаси доирасида сафарда «Брайтон»га қарши ўтказади. Ўйин Тошкент вақти билан соат 17:30 да бошланади.
