«Жирона» бош мураббийи Мичел Санчес фаолиятида навбатдаги катта қадамни ташлашга тайёр эканлигини маълум қилди.
50 ёшли мутахассис «Манчестер Сити»ни бошқаришга қодирмисиз, деган саволга жавоб берди. Эслатиб ўтамиз, Испания ва Англия клубларининг иккаласи ҳам City Football Group холдингига тегишли ҳисобланади.
«Мен тайёрман, ўзимни исталган жамоани бошқаришга қодир деб ҳисоблайман.
Улар [«Сити» раҳбарияти] ҳам шундай фикрда ёки йўқми, билмайман. Албатта, бу икки жамоа бир хил эмас, лекин менда мослашиш қобилияти бор ва ўзимни синаб кўришни истайман», — деди Санчес Feeberse нашрига берган интервьюсида.
Ҳозирда Манчестер жамоасини Пеп Гвардиола бошқармоқда.
