Роберто Мартинес Португалия терма жамоаси 2026 йилги Жаҳон чемпионатида ғалаба қозонишга қодир деб ҳисоблайди.
Миллий терма жамоа бош мураббийи эртага 28 ва 31 март кунлари Мексика ҳамда АҚШга қарши бўлиб ўтадиган ўртоқлик учрашувлари учун қайдномани эълон қилади.
Таркиб ҳақида: «Эртага муҳим кун. Таркибни шакллантириб олишимиз зарур, чунки бу мутлақо бошқача Жаҳон чемпионати бўлади. Бизга тактик ва техник маҳорат билан бирга энергия ҳам керак — буни март ойидаги ўйинлардаёқ ҳис қиламиз. Учрашувлар ҳаяжонли кечиши кутилмоқда».
Португалиянинг илк бор Жаҳон чемпиони бўлиш имкониятлари ҳақида: «Португалия ғалаба қозониши мумкин дейишмоқда... Нима учун йўқ? Келинг, орзу қилайлик», — деди Мартинес.
