Roberto Martines Portugaliya terma jamoasi 2026 yilgi Jahon chempionatida g‘alaba qozonishga qodir deb hisoblaydi.
Milliy terma jamoa bosh murabbiyi ertaga 28 va 31 mart kunlari Meksika hamda AQSHga qarshi bo‘lib o‘tadigan o‘rtoqlik uchrashuvlari uchun qaydnomani e’lon qiladi.
Tarkib haqida: «Ertaga muhim kun. Tarkibni shakllantirib olishimiz zarur, chunki bu mutlaqo boshqacha Jahon chempionati bo‘ladi. Bizga taktik va texnik mahorat bilan birga energiya ham kerak — buni mart oyidagi o‘yinlardayoq his qilamiz. Uchrashuvlar hayajonli kechishi kutilmoqda».
Portugaliyaning ilk bor Jahon chempioni bo‘lish imkoniyatlari haqida: «Portugaliya g‘alaba qozonishi mumkin deyishmoqda... Nima uchun yo‘q? Keling, orzu qilaylik», — dedi Martines.
