Хорватиялик ярим ҳимоячи Лука Модрич ўтган йилнинг ёзидан бери Италиянинг «Милан» клубида тўп сурмоқда ва ҳозирча ушбу клубда ўзини жуда бахтли ҳис қилмоқда. Луканинг сўзларига кўра, у фаолиятининг илк кунлариданоқ ўзини ҳурмат қилинадиган ва севимли ўйинчи сифатида сезган.
«Биринчи кунданоқ «Милан»ни танлаганим учун мухлисларнинг меҳри ва эътирофини ҳис қиляпман. Улар мен учун қилган барча ишларига лойиқ даражада миннатдорчилик билдира олишим амримаҳол», — дея Модричнинг сўзларидан иқтибос келтирмоқда pianetamilan.it нашри.
Ҳозирда «Милан» Италия А Серияси турнир жадвалида иккинчи ўринни эгаллаб турибди. Кейинги турда клуб «Торино»га қарши майдонга тушади.
