Мадриднинг «Реал» клуби ўз майдонида «Хетафе»дан қабул қилинган кутилмаган мағлубиятдан сўнг, барча турнирларда кетма-кет тўртта ғалабага эришди. Ушбу муваффақиятли даврга Чемпионлар лигасининг 1/8 финали доирасида «Манчестер Сити»га қарши кечган ва 3:0 ҳамда 2:1 ҳисобларида якунланган иккита учрашув ҳам кирди.
«Ижобий натижаларимизнинг сабаби нимада? Жамоавий бирликда. Ҳамма битта умумий мақсадга эътибор қаратган — биз иштирок этаётган барча турнирларда ғолиб чиқишга қатъий қарор қилганмиз. Ҳар бир ўйинчи, шу жумладан академия тарбияланувчилари ҳам жамоанинг яхши спорт формасини сақлаб қолиш учун қўлидан келган барча ишни қилмоқда», — дея ярим ҳимоячи Федерико Вальверденинг сўзларидан иқтибос келтирмоқда Madrid Xtra.
Якшанба куни Ла Лиганинг 29-тури доирасида Альваро Арбелоа жамоаси «Атлетико» билан тўқнаш келади.
