Madridning «Real» klubi o‘z maydonida «Xetafe»dan qabul qilingan kutilmagan mag‘lubiyatdan so‘ng, barcha turnirlarda ketma-ket to‘rtta g‘alabaga erishdi. Ushbu muvaffaqiyatli davrga Chempionlar ligasining 1/8 finali doirasida «Manchester Siti»ga qarshi kechgan va 3:0 hamda 2:1 hisoblarida yakunlangan ikkita uchrashuv ham kirdi.
«Ijobiy natijalarimizning sababi nimada? Jamoaviy birlikda. Hamma bitta umumiy maqsadga e’tibor qaratgan — biz ishtirok etayotgan barcha turnirlarda g‘olib chiqishga qat’iy qaror qilganmiz. Har bir o‘yinchi, shu jumladan akademiya tarbiyalanuvchilari ham jamoaning yaxshi sport formasini saqlab qolish uchun qo‘lidan kelgan barcha ishni qilmoqda», — deya yarim himoyachi Federiko Valverdening so‘zlaridan iqtibos keltirmoqda Madrid Xtra.
Yakshanba kuni La Liganing 29-turi doirasida Alvaro Arbeloa jamoasi «Atletiko» bilan to‘qnash keladi.
