«Манчестер Сити» сардори Бернарду Силванинг «Ювентус»га ўтиши борасида хабарлар тарқалмоқда. Миш-мишларга кўра, Турин клуби шартномаси шу ёзда якунига етадиган португалиялик футболчига аллақачон аниқ таклиф билан чиққан.
Бироқ таниқли инсайдер Бен Жейкобснинг таъкидлашича, бу маълумот унчалик тўғри эмас: «кекса синьора» ҳақиқатан ҳам футболчини таклиф қилишга жиддий қизиқиш билдирмоқда, аммо ҳозирча ҳеч қандай расмий таклиф юборилмаган.
Силванинг «Манчестер Сити» билан шартномани узайтириши амримаҳол. 31 ёшли футболчига Европанинг бошқа клубларидан ҳам даъвогарлар бор, шунингдек, Саудия Арабистони чемпионати вакиллари томонидан ҳам қизиқиш мавжуд.
