Рикарду Куарежма Португалия терма жамоаси ЖЧ-2026да ғалаба қозонишни ўз олдига мақсад қилиб қўйиши кераклигини таъкидлади.
«Мен билан бирга тўп сурган футболчилар мамлакатимиз учун шундай муҳим титулни қўлга киритишганидан жуда фахрланаман. Менимча, Жаҳон чемпионатида ғалаба қозониш — барчамизнинг орзумиз. Биз аллақачон Европа чемпиони бўлдик, эндиги мақсадимиз — Жаҳон чемпионатида зафар қучиш.
Ўйлайманки, бу «торт устидаги олча» бўлади, чунки биз доим бу ҳақда орзу қилганмиз, аммо ҳали муваффақиятга эришмадик. Ҳақиқат шундаки, ушбу жамоа, ушбу авлод мамлакатимизга жуда катта умид бағишлади», — деди Португалия терма жамоасининг собиқ вингери.
