«Челси» ярим ҳимоячиси Энцо Фернандес жамоа футболчилари Энцо Маресканинг истеъфосини тушунмаганини маълум қилди.
Италиялик мутахассис январь ойида Лондон клубидан бўшатилган эди. Унинг ўрнини Лиэм Росеньор эгаллади.
«Мен ҳам буни тушунмадим. Баъзида биз футболчи сифатида тушунмайдиган ва клуб вазиятни қандай бошқаришга ҳаракат қилаётган ҳолатлар бўлиб туради.
Албатта, мураббийнинг ишдан бўшатилиши бизга зарба бўлди, чунки бизнинг ўз услубимиз бор эди. Унинг машғулотларда ҳам, ўйинларда ҳам доим жуда тушунарли ўйин модели мавжуд эди. Унинг истеъфоси, айниқса мавсум ўртасида, бизни анча довдиратиб қўйди», — деди Энцо Фернандес TUDN нашрига берган интервьюсида.
